ٹیکنیکل پاکستان دی بالادستی کیتے انجینئرزکیڈر سروس دا آغازکیتا ونڄݨا چاہیدے ،وفاقی وزیر منصوبہ بندی پروفیسر احسن اقبال

اسلام آباد۔27جنوری(اے پی پی):وفاقی وزیر منصوبہ بندی و ترقی و اصلاحات پروفیسر احسن اقبال آکھیے ملک اچ سیاسی استحکام اتے تسلسل توں ہی معاشی مشکلات توں کڈھیا ونڄ سڳدے ،ٹیکنیکل پاکستان دی بالادستی کیتے انجینئرز کیڈر سروس دا آغازکیتا ونڄݨا چاہیدے ۔ جمعہ کوں گرین لائن ٹرین سروس دی افتتاحی تقریب توں خطاب کریندے ہوئیں انہاں آکھیے جو آپݨی برآمدات آندے پنج سال اچ 100 ارب ڈالر توں اتے گھن ویسوں تے اساں کامیاب تھی سڳدوں ، ریلوے پاکستان دی برآمدات ودھاوݨ کیتے کلیدی کردار ادا کرسڳدی اے ، ایں کیتے اساں ایم ایل ون دا منصوبہ 2017 اچ تیارکیتا ۔ انہاں آکھیے ایں منصوبے دے ذریعے اساں ریلوے ٹریک کوں 160 کلومیٹر فی گھنٹہ دی رفتار نال وچھاوݨ دا عمل شروع کیتا تاں جو حکومت بدلݨ پاروں ایں منصوبے کوں پچھوں سٹیا ڳیا اتے اڄ اساں اتھاؤں ول شروع کریندے پیوں ، چین ایں منصوبے دے تحت ٻوگھیاں تیار کرتے بھجوا ݙتن تاں جو اساں ایم ایل ون کوں حتمی شکل نی ݙے سڳیے ، سیاسی عدم استحکام تے پالیسیاں دا تسلسل نہ ہووݨ دی وجہ توں اے مسئلے ہن ، دنیا اچ آلودگی اچ ساݙا کوئی کردار کائنی لیکن اساکوں 30 ارب ڈالر دا ضیان چاوݨاں پیا ، انہاں گرین لائن ٹرین سروس شروع کرݨ تے وزارت ریلوے اتے وزیرریلوے کوں مبارخ ݙتی ۔

مضمون کا ماخذ : را کی کتاب

متعلقہ مضامین