استنبول۔24اکتوبر (اے پی پی) وفاقی وزیر اطلاعات تے نشریات مریم اورنگزیب ایران اچ تھیوݨ آلے فلم فیسٹیول اچ پاکستانی فلماں دی نمائش دا اعلان کریندیں ہوئیں آکھیا جو پاکستان ایران نال فلم اتے ݙوامہ دے شعبیاں اچ تعاون کوں ودھاوݨ چاہندے۔ ایرانی فلم ساز حکومت پاکستان ولوں فلم انڈسٹری کیتے ݙتی ڳی مراعات توں فائدہ چا سڳدن۔ اے ڳالھ انہاں او آئی سی وزراءاطلاعات کانفرنس دے 12 ویں اجلاس دے موقع تے ایرانی وزیر ثقافت محمد مہدی اسماعیلی نال ملاقات اچ آکھی۔ ملاقات اچ ݙوہیں ملکاں وچال اقتصادی، تجارتی، ثقافتی اتے عوام دی سطح تے روابط سمیت مختلف شعبیاں اچ ڈو پاسہ تعاون کوں ٻیا مستحکم اتے وسیع کرݨ تے اتفاق تھیا۔ ایں موع تے وفاقی وزیر اطلاعات آکھیا جو پاکستان اتےایران وچال تاریخی اتے برادرانہ تعلقات ہن۔ ایں موقع تے ایرانی وزیر ثقافت پاکستان نال اطلاعات اتے فن تے ثقافت دے شعبیاں اچ تعاون کوں ودھاوݨ دا عزم کیتا اتے وفاقی وزیر اطلاعات کوں ایران اچ تھیوݨ آلے فلم فیسٹیول اچ شرکت دی دعوت ݙتی۔