د پاكستان او ايران ترمينځه په سيمه ايزه وضعه په خاص توګه د افغانستان په حقله وړومبنۍ باضابطه مشاورتي غونډه

اسلام آباد 01 نومبر (اے پي پي)پاكستان او ايران په افغانستان كښې د پائيدار امن٬استحكام او پرمختګ په غرض هڅو له د افغانستان او نړيوالې ورورورلۍ سره د بشپره مرستې پخلې كولو سره ووئيل د افغان شخړی كوم پوځي حل ممكن نه دے٬دا مسئله د افغان حكومت او اولس په مشرتابه كښې د سياسي عمل او خبرو د لارې حل كېدې شي۔د دې خيالاتو څرګندونه پاكستان او ايران په سيمه ايز صورتحال په خاص توګه د افغانستان په اړه په وړومبۍ باضابطه مشاورتي غونډه كښې شوې كومه چې د شورو په ورځ وشوه۔د خارجه دفتر وياند له مخې دا د دواړو هېوادونو ترمينځه د خارجه چارو وزارت ډائرېكټر جنرلز په كچه وړومبنۍ مشاورتي غونډه وه۔د افغانستان ډائرېكټر جنرل منصور احمد خان د پاكستاني پلاوي او د ايران پلاوي استازي ډائرېكټر جنرل رسول اسلامي كوله۔دواړو دائرېكټرانو پھ افغانستان كښې د پائيدار امن٬استحكام او پرمختګ لپاره د نړيوالې ورورولۍ او افغانستان هڅو له د بشپړه مرستې او ملاتړ پخلې وكړو۔دوي ووئيل افغانستان كښې پائيدار امن د سيمه ايز استحكام لپاره مهم دے۔دواړه ډلې پھ دې سلا شوې چې د افغانستان د اوږدې مودې شخړی كوم پوځي هوارے نشته ۔دوي د افغان مسئلې حل لپاره د سياسي مذاكراتو په ضرورت زور راوړو۔پاكستاني پلاوي ووئيل زمونږ هېواد افغانستان سره سياسي٬امنيتي٬اقتصادي او د اولس ترمينځه رابطو ته ډېر اهميت وركوي كومې چې د دواړو هېوادونو په ګټھ دي۔دواړو هېوادونو تسليم كړی چې ترهه ګري د سيمه ايز او نړيوال امن لپاره سنګين خطر دے۔د غونډې په مهال افغانستان كښې د نشه اي توكو د پیداوار په زياتوالې٬قاچاق ٬داعش او د نورو ترهه ګرو تنظيمونو هلو ځلو په زياتوالي د اندېښنو څرګندونه وشوه كومې چې نه يوازې د افغانستان او ګاونډي هېوادونو بلكې د سيمه ايز استحكام لپاره سنګين خطر دي ۔دوي د ترهه ګرۍ مخ نيوي٬بارډرمنيجمنټ٬نشه اي پیداوار او قاچاق مخ نيوي په غرض سره د ټولو ګاونډي هېوادونو ترمينځه په مرسته او د افغان كډوال په عزت سره بېرته خپل هېواد ته د ستنېدو پھ ضرورت زور راوړو۔د غونډې په مهال په سيمه ايزه اقتصادي مرسته او د دواړو هېوادونو په اړېكو د خيالاتو څرګندونه وشوه

مضمون کا ماخذ : اسکریچ کارڈ پاکستان

متعلقہ مضامین