پهرين گلوبل هيلٿ سيڪيورٽي سمٽ جي پڄاڻي اسلام آباد پڌرنامي جي منظوري سان ٿي: پرڏيهي آفيس ترجمان

اسلام آباد – 11 – جنوري (اي پي پي) پرڏيهي آفيس جي ترجمان ممتاز زهره بلوچ چيو آهي ته اسلام آباد ۾ پهرين گلوبل هيلٿ سيڪيورٽي سمٽ جي پڄاڻي اسلام آباد پڌرنامي جي منظوري سان ٿي جيڪو قابل عمل منصوبن جي هڪ سيريز جي اهميت کي اجاگر ڪندو جيڪو صحت جي هنگامي صورتحال جي لاءِ هڪ مضبوط عالمي ردعمل، صحت جي سارسنڀال تائين برابر پهچ سميت هڪ پائيدار ۽ جامع صحت جي نظام کي فروغ ڏيڻ کي يقيني بڻائيندو. هفتيوار پريس بريفنگ ۾ هن چيو ته عالمي صحت جي خطرن ۽ عالمي صحت جي سلامتي کي وڌائڻ جي لاءِ عالمي تعاون ۽ اسٽريٽجڪ حصيداري کي فروغ ڏيڻ جي لاءِ اربع ڏينهن وفاقي گادي واري شهر ۾ پهرين گلوبل هيلٿ سيڪيورٽي سمٽ جي شروعات ٿي جنهن ۾ صحت وارن وزيرن ۽ 70 کان وڌيڪ ملڪن جي صحت وارن وزيرن ۽ ماهرن قومي صحت جي سلامتي تي عالمي صحت جي سلامتي جي اثرن، وبائي مرضن کي منهن ڏيڻ جي تياري ۽ ردعمل، موسمياتي تبديلي ۽ اڀرندڙ عوامي صحت جي خطرن، گهڻ رخي شعبه جاتي ڪوآرڊينيشن، صحت جي عالمي تحفظ جي لاءِ پائيدار ۽ برابر مالي مدد، يونيورسل هيلٿ ڪوريج تائين پهچ ۽ ويڪسين جي برابري کي يقيني بڻائڻ تي خيالن جي ڏي وٺ ڪئي وئي. ترجمان چيو ته نگران پرڏيهي وزير جليل عباس جيلاني عالمي سطح تي صحت جي تحفظ کي يقيني بڻائڻ جي لاءِ عالمي يڪجهتي ۽ عالمي تعاون جي ضرورت تي زور ڏنو ۽ چيو ته رڳو هڪ برابر عالمي صحت جو ڍانچو ئي هر ڪنهن کي مستقبل جي وبائي مرضن کان بچائڻ ۾ مدد ڏئي سگهي ٿو. ترجمان چيو ته گ ذريل ڏينهن اجلاس کي پنهنجي اهم خطاب ۾ نگران وزيراعظم انوارالحق ڪاڪڙ گڏيل ردعمل جي لاءِ گهربل ٻاهرئين ۽ اندروني صحت جي چئلينجن آڏو قومن جي گڏيل دارومدار کي اجاگر ڪيو. هن قومي مفادن ۽ قومي سرحدن کان مٿانهون ٿي صحت جي تحفظ جي چئلينجز کي منهن ڏيڻ جي لاءِ هڪ متحده عالمي محاذ تي زور ڏنو.

مضمون کا ماخذ : کمپیوٹر لاٹری کے اعدادوشمار

متعلقہ مضامین