وزارت عظميٰ جو حلف کڻڻ کانپوءِ سعودي عرب جو پهريون دورو سعودي عرب سان تاريخي اسٽريٽجڪ اهميت جي عڪاسي ڪري ٿو: وزيراعظم شهباز شريف

اسلام آباد – 28 – اپريل (اي پي پي) وزيراعظم شهباز شريف چيو آهي ته وزارت عظميٰ جو حلف کڻڻ کانپوءِ سعودي عرب جو پهريون دورو سعودي عرب جي ان تاريخي اسٽريٽجڪ اهميت جي عڪاسي ڪري ٿو جيڪو پاڪستان سعودي عرب سان پنهنجي خصوصي لاڳاپن کي ڏي ٿو، پاڪستان ۽ سعودي عرب گهري ۽ پائيدار ڀائراڻي رشتن ۾ جڙيل آهن، مشڪل جي هر گهڙي ۾ پاڪستان جي مسلسل حمايت تي سعودي عرب جا دل جي گهراين سان ٿورائتا آهيون. سعودي عرب جي دوري تي روانگي کان اڳ پنهنجي وڊيو پيغام ۾ وزيراعظم شهباز شريف چيو ته مون کي خوشي آهي ته آئون وزارت عظميٰ جو عهدو سنڀالڻ کان پوءِ ۾ وزيراعظم طور پهريون دورو سعودي عرب جو ڪري رهيو آهيان، اهو دورو ان تاريخي اسٽريٽجڪ اهميت جي عڪاسي ڪري ٿو جيڪو پاڪستان سعودي عرب جي سان پنهنجي خصوصي لاڳاپن کي ڏي ٿو جنهن جا بنياد مضبوط گڏيل اعتماد ۽ گڏيل تعاون تي هموار آهن، آئون سعودي عرب جي ولي عهد شهزاده محمد بن سلمان جو ٿورائتو آهيان جنهن مون کي خوشي سان ان دوري جي دعوت ڏني آهي، هن چيو ته پاڪستان ۽ سعودي عرب گهري ۽ پائيدار ڀائراڻي رشتن ۾ جڙيل آهن جنهن جا مضبوط بنياد گڏيل اعتماد ۽ گڏيل تعاون تي هموار آهن، هن چيو ته پاڪستان جي عوام خادم الحرمين الشريفين کي انتهائي قدر جي نگاهه سان ڏي ٿي، اسان مشڪل جي هر گهڙي ۾ پاڪستان جي مسلسل حمايت تي سعودي عرب جا دل جي گهراين سان ٿورائتا آهيون، پاڪستان سدائين سعودي عرب جو ساٿ ڏنو ۽ آئنده به هر موقعي تي پنهنجي سعودي ڀائرن سان ڪلهو ڪلهي ۾ ملائي بيٺل رهندو، هن چيو ته سعودي عرب جي دانشمنداڻي قيادت ڀائر سعودي عوام جي وڌ کان وڌ ترقي ۽ خوشحالي لاءِ جانفشاني سان ڪم ڪيو، اسان کي فخر آهي ته ولي عهد محمد بن سلمان جي ويزن 2030 جي فريم ورڪ تحت سعودي عرب ۾ ٿيندڙ قابل ذڪر ترقي تي فخر آهي، جيڪا تبديلي جو هڪ قدم آهي، وزيراعظم چيو ته اسان سعودي عرب پاران مسلم امت جي قيادت ۽ امت جي مسئلن جي حل جي حوالي سان ان جي گهري وابستگي جا قائل آهيون. هن چيو ته سعودي قيادت سان پنهنجي ڳالهين جو منتظر آهيان ته اسان پنهنجي هم جهت ٻطرفي تعاون جو جائزو وٺون ۽ ان خصوصي لاڳاپن کي لامتناعي بلندي تائين وٺي وينداسين، هن چيو ته آئون سعودي عرب ۾ رهندڙ پاڪستانين جي لاءِ به نيڪ خواهشن جو اظهار ڪرڻ چاهيندس، جنهن پاڪستان جي اقتصادي ترقي ۾ سدائين اهم ڪردار ادا ڪيو آهي، هو پاڪستان سعودي ڀائراڻي لاڳاپن کي وڌيڪ مستحڪم ڪرڻ ۾ اهم حصيدار آهن.

مضمون کا ماخذ : bolão quina

متعلقہ مضامین