بلوچستان اچ سیلاب توں جاں بحق تھیوݨ آلے لوکاں دی تعداد 304 تھی ڳئی، ترجمان پی ڈی ایم اے

کوئٹہ۔22ستمبر (اے پی پی):بلوچستان اچ سیلاب دے نتیجے اچ تھیوݨ آلے حادثیں اچ مزید ترائے لوکاں دے جاں بحق تھیوݨ دی تصدیق ، صوبے اچ یکم جون توں ہݨ تئیں جاں بحق تھیوݨ آلے لوکاں دی تعداد 304 تھی ڳئی ۔خمیس کوں ترجمان پراونشل ڈیزاسٹر منیجمنٹ اتھارٹی موجب 24 گھنٹے اچ سیلاب دے نتیجے اچ تھیوݨ آلے حادثیں اچ مرد تے تریمت سودھے ھک ٻال دے جاں بحق تھیوݨ دی تصدیق کرݙتی ڳئی ، جاں بحق تھیوݨ آلے ترائے لوکاں دا تعلق ضلع جعفر آباد توں اے ۔ رپورٹ اچ ݙسایا ڳئے جو صوبے اچ یکم جون توں ہݨ تئیں جاں بحق تھیوݨ آلیں دی تعداد 304 تھی ڳئی ، جاں بحق تھیوݨ آلیں اچ 138 مرد، 74 تریمتاں تے 92 ٻال شامل ہن ساریں توں ودھ 40 ہلاکتاں کوئٹہ، ژوب 23 اتے لسبیلہ توں 21 اموات رپورٹ تھئن 2 لکھ ایکڑ زمین تے کھڑیاں فصلاں کوں ضیان پڄے جݙاں جو صوبے اچ سیلابی ریلے وچ 24 پل ڈھہہ ڳئن، سیلاب تے مینھ پاروں 2200 کلومیٹر سڑکاں ٻہوں متاثر تھئن ۔

مضمون کا ماخذ : منی ٹرین 2

متعلقہ مضامین