وزیراعظم اسرائیلی جارحیت دی ہر فورم تے مذمت کیتی اے، فلسطینیاں دی امداد کیتے ہک ہزار ٹن امدادی سامان ٻھیجا ویسی، وزیراعظم دے مشیر رانا ثناء اﷲ دی تحریک لبیک پاکستان دے رہنماواں دے رَلے پریس کانفرنس

اسلام آباد۔19جولائی (اے پی پی) وزیراعظم دے مشیر برائے سیاسی امور رانا ثناء اﷲ آکھیا جو وزیراعظم اسرائیلی جارحیت دی ہر فورم تے مذمت کیتی اے، فلسطینیاں دی امداد کیتے ہک ہزار ٹن امدادی سامان ٻھیجا ویسی۔ اسرائیلی مصنوعات دا استعمال روکݨ کیتے کمیٹی ٻݨا ݙتی ڳئی اے۔ مظلوم فلسطینیاں دی مدد اتے انہاں تے ظلم رکواوݨ کیتے جو تھی سڳیا کریسوں۔ او جمعے کوں وفاقی وزیر اطلاعات و نشریات عطاء اﷲ تارڑ اتے تحریک لبیک پاکستان دے رہنماواں دے رَلے پریس کانفرنس توں خطاب کریندے پئے ہن۔ رانا ثناء اﷲ آکھیا جو ٹی ایل پی فلسطین دے مظلوم مسلماناں تے تھیوݨ آلے ظلم دے خلاف احتجاج دے طور کڄھ ݙینھ توں فیض آباد موجود اے، انہاں نال اساݙے مذاکرات تھین،ٹی ایل پی دے امیر حافظ سعد حسین رضوی دی قیادت اچ فلسطین دے مظلوم مسلماناں دی امداد اتے اسرائیلی جارحیت دے ظلم بارے مطالبات ہن۔ وزیراعظم اسرائیلی جارحیت دی ہر فورم تے مذمت کیتی اے، فلسطینیاں دی امداد کیتے ہک ہزار ٹن امدادی سامان ٻھیجا ویسی۔اساں ٹی ایل پی دے جذبے دی تعریف کریندوں اتے پورے خلوص نیت اتے ایمانی جذبے نال اساں انہاں تے عمل کریسوں۔ اساں اقوام عالم توں مطالبہ کریندوں جو فلسطنیاں تے جاری اسرائیلی ظلم کوں رکواوݨ اچ آپݨا کردار ادا کرے۔ انہاں آکھیا جو اساں ڈاکٹر عافیہ صدیقی دی رہائی کیتے وی کوششاں کریسوں۔

مضمون کا ماخذ : como apostar na loteria

متعلقہ مضامین