چیف جسٹس قاضی فائز عیسیٰ دی ݙوقیمتی سرکاری ڳاݙیاں واپس کرݨ دی ہدایت

اسلام آباد۔1دسمبر (اے پی پی) چیف جسٹس پاکستان جسٹس قاضی فائز عیسیٰ ݙوقیمتی سرکاری ڳاݙیاں واپس کرݨ دی ہدایت کیتی اے جیڑھی جو چیف جسٹس پاکستان دے استعمال کیتے ہن۔ رجسٹرار سپریم کورٹ ایں بارے سیکریٹری کابینہ اتے چیف سیکریٹری پنجاب کوں خط نال ݙسا ݙتے۔ رجسٹرار سپریم کورٹ آپݨے مراسلہ اچ آکھیا جو چیف جسٹس دے علم اچ اے ڳالھ آئی اے جو سپریم کورٹ چیف جسٹس کیتے ستمبر 2020ء اچ ہک لگژری کار ڳھدی ہئی جئیں دی مالیت چھی کروڑ 10 لکھ روپے اے۔ حکومت پنجاب وی چیف جسٹس آف پاکستان دے استعمال کیتے ہک لگژری ڳاݙی ݙتی اتے ݙوہیں ڳاݙیاں جی او آر لاہوراچ سپریم کورٹ ریسٹ ہاؤس اچ کھڑین۔ خط اچ آکھیا ڳئیا جو قواعد دے مطابق چیف جسٹس اتے ہر جج کوں ݙو ݙو ڳاݙیاں ݙتی ڳئن جڈانجو چیف جسٹس قاضی فائز عیسیٰ اے لگژری ڳاݙیاں استعمال نی کریندے پئے۔ انہاں آکھیا جو چیف جسٹس آف پاکستان جسٹس قاضی فائز عیسیٰ ہدایت کیتی اے جو اے ݙوہیں ڳاݙیاں ویچ تے ملݨ آلی رقم پبلک ٹرانسپورٹ تے خرچ کیتی ونڄے۔

مضمون کا ماخذ : پشاور لاٹری

متعلقہ مضامین