بین الاقومی مالیاتی فنڈ نال مذاکرات پاروں بجٹ اچ تبدیلیاں کیتن، وفاقی وزیر خزانہ و محصولات سینیٹر اسحاق ڈار

اسلام آباد۔24جون(اے پی پی)وفاقی وزیر خزانہ و محصولات سینیٹر اسحاق ڈار آکھیے جو بین الاقومی مالیاتی فنڈ نال مذاکرات پاروں بجٹ دے اعداد و شمار اچ کڄھ تبدیلیاں کیتن، ایف بی آر دے محاصل دا ہدف 9200 ارب توںو دھ تے 9415 ارب روپے، صوبیاں دا 5276 ارب روپے توںو دھ تے 5390 ارب روپے، وفاقی حکومت دے اخراجات 14460 ارب روپے توں ودھ تے 14480 ارب روپے، پنشن دا حجم 761 ارب روپے توںو دھ تے 801 ارب روپے، سبسڈی دا حجم 1064 ارب روپے ڄݙاں جو گرانٹس دا حجم 1405 ارب روپے کیتا ڳئے، ایں سانڳے بجٹ خسارے اچ بہتری آسی، مالیاتی خسارہ 300 ارب روپے ڳھٹ تھیسی، اے تبدیلیاں بجٹ دستاویزات اچ پا ݙتن، 215 ارب روپے دے مزید ٹیکسوں دا ٻار عام آدمی، سرکاری ملازمین اتے پنشنرز تے نا ہوسی ٻھل گریڈ 17 توں 22 تئیں دے ملازمین کیتے پنشن اصلاحات دا فیصلہ کیتے، بے نظیر انکم سپورٹ پروگرام دا بجٹ 450 ارب روپے توںو دھا تے 466 ارب روپے کیتے۔ قومیا سمبلی اچ نویں مالی سال دے وفاقی بجٹ 2023-24 تے عام بحث اچ الیندے وزیر خزانہ محمد اسحاق ڈار آکھیا جو اساں بجت اچ خوراک، ادویات و صنعتاں کیتے خام مال سودھا کئی شعباں کوں ترجیح ݙتی اے، سٹیٹ بینک آف پاکستان درآمدات بارے ساریاں پابندیاں ختم کرݨ دا سرکلر جاری کرݙتے جیندے نال تاجراں، کاروباری برادری، صنعتاں دے مسلے مکسن، زرمبادلہ وی ودھسی۔

مضمون کا ماخذ : کلیوپیٹرا

متعلقہ مضامین