پرامن اتے مستحکم افغانستان چین اتے پاکستان دے فائدے اچ اے، اساکوں ٹی ٹی پی دی سرگرمیاں تے تشویش اے، آپݨے افغان دوستاں کوں وی آپݨے خدشات بارے ݙسیے، وزیر خارجہ شاہ محمود قریشی دی چینی تے روسی میڈیا نال ڳالھ مہاڑ

بیجنگ۔30مارچ (اے پی پی) وزیر خارجہ شاہ محمود قریشی آکھیا جو پرامن اتے مستحکم افغانستان چین اتے پاکستان دے فائدے اچ اے، اساکوں ٹی ٹی پی دی سرگرمیاں تے تشویش اے، آپݨے افغان دوستاں کوں وی آپݨے خدشات بارے ݙسیے۔ اے ڳالھیں انہاں چین اچ افغانستان دے ہمسائے ملکاں دے تریجھے اجلاس دے موقع تے چینی تے روسی میڈیا نال ڳالھ مہاڑ کریندیں ہوئیں آکھی۔ انہاں آکھیا جو اجلاس اچ افغانستان اچ ابھردی ہوئی صورتحال تے تفصیلی غور کیتا ڳیا، اے اہم دورہ اے۔ انہاں آکھیا جو چین پاکستان دا اہم دوست اے۔ افغانستان چین اتے پاکستان دا ہمسایہ ملک اے، پرامن اتے مستحکم افغانستان چین اتے پاکستان دے فائدے اچ اے، اساکوں ٹی ٹی پی دی سرگرمیاں تے تشویش اے، آپݨے افغان دوستاں کوں وی آپݨے خدشات بارے ݙسیے۔ انہاں آکھیا جو افغانستان کوں ہمسائے ملکاں دی حیثیت نال معاشی طور تے مستحکم ݙیکھݨ چاہندوں، روس، چین، ایران سودھے وسطی ایشیائی ملکاں دے وزرا خارجہ نال افغانستان دے مسئلے، چیلنجز اتے موقع تے ڳالھ مہاڑ تھئی۔

مضمون کا ماخذ : سلاٹ فادر

متعلقہ مضامین