اسلام آباد – 30 جولاءِ (اي پي پي)اطلاعات ۽ نشريات واري وفاقي وزير چوڌري فواد حسين چيو آهي ته پاڪستاني قيادت افغانستان ۾ امن جي خواهشمند آهي، افغانستان جي باري ۾ اسان جي پاليسي واضح آهي، اسان افغانستان ۾ ڪنهن هڪ گروپ جي حمايت يا ان کي مضبوط نه ڪري رهيا آهيون پر هڪ اهڙو ماحول جوڙڻ جي ڪوشش ڪري رهيا آهيون جنهن ۾ افغانستان جا سمورا گروپس پاڻ ۾ گڏجي ويهي متفقه حڪومت جوڙي سگهن. اسان خطي ۾ اقتصادي ۽ واپاري رابطن کي فروغ ڏيڻ چاهيون ٿا، وچ ايشيائي رياستن تائين پهچ جو دارو مدار مستحڪم افغانستان تي آهي. اهڙن خيالن جو اظهار هن پاڪ افغان يوٿ فورم جي اهتمام هيٺ منعقد تقريب کي خطاب ڪندي ڪيو. چوڌري فواد حسين چيو ته افغانستان جي باري ۾ پاڪستان جي پاليسي واضح آهي، اسان افغانستان ۾ ڪنهن هڪ گروپ جي حمايت يا ان کي مضبوط نه ڪري رهيا آهيون پر هڪ اهڙو ماحول جوڙڻ جي ڪوشش ڪري رهيا آهيون جنهن ۾ افغانستان جا سمورا گروپس پاڻ ۾ گڏجي ويهي متفقه حڪومت جوڙي سگهن. اهو واحد رستو آهي جنهن جي ذريعي افغانستان ۾ مستحڪم حڪومت ۽ پرامن معاشرو جوڙي سگهجي ٿو. هن چيو ته هن وقت افعانستان ۾ هڪ اهڙو گروپ ان پوزيشن ۾ ناهي جيڪو پوري افغانستان تي حڪومت ڪري سگهي. جيڪڏهن هڪ گروپ ڪابل تي قبضو ڪري ٿو ته ٻيو ان ۾ رڪاوٽ وجهي ٿو ۽ اهڙي صورت ۾ امن قائم نٿو ٿي سگهي. هن چيو ته اسان افغانستان ۾ امن لاءِ جيڪو ڪري سگهون ٿا، ڪرڻ جي ڪوشش ڪري رهيا آهيون، اهو هڪ مشڪل ڪم آهي، هن ٻڌايو ته سپر پاورز پنهنجي ڪارروائي ڪري هليا ويندا آهن ۽ نتيجا اسان کي ڀوڳڻا پوندا آهن، پاڪستان ۽ افغانستان سپرپاورز جي ڪارراين جا نتيجا ڀوڳيا، چوڌري فواد حسين چيو ته اسان افغانستان لاءِ هڪ مضبوط مستقبل جوڙڻ جي ڪوشش ڪري رهيا آهيون. اسان کي يقين آهي ته هن خطي جو مضبوط معاشي مستقبل هڪ مستحڪم ۽ پرامن افغانستان تي آهي، اسان جون سموريون ڪوششون ان طرف گامزن آهن. اطلاعات واري وفاقي وزير چيو ته پاڪستان جي مستقبل جي معيشت مستحڪم افغانستان چوڌاري گهمي ٿي، اسان وچ ايشيائي رياستن سان مضبوط مواصلاتي رابطن جا خواهشمند آهيون، انهي مقصد لاءِ وزيراعظم عمران خان ازبڪستان جو دورو ڪيو. هن چيو ته ازبڪستان سان اسان پشاور کان مزار شريف ۽ پوءِ تاشقند تائين ريلوي ٽريڪ جي معاهدي تي به صحيحون ڪيون آهن، اسان افغانستان جي رست وچ ايشائي رياستن تائين ٽرڪن جي ذريعي واپار کي فروغ ڏيڻ چاهيون ٿا، هن چيو ته گوادر ۽ ڪراچي پورٽس کي وچ ايشيائي رياستن تائين پهچ ڏيڻ جو دارومدار مستحڪم افغانستان تي آهي ڇو ته صرف مستحڪم ۽ پرامن افغانستان سان ئي وچ ايشيائي رياستن ۽ خطي ۾ مواصلاتي رابطا ممڪن ٿي سگهن ٿا. وفاقي وزير ٻڌايو ته افغان نوجوانن وزيراعظم عمران خان ۽ چيف آف آرمي اسٽاف سان به ملاقات ڪئي ۽ انهن جو موقف معلوم ڪيو، وزيراعظم عمران خان افغانستان جي نوجوانن ۽ صحافين جي ملاقات تي پروگرام پشتو ۽ دري سب ٽائيٽلز سان آن ايئر ٿيو، اميد آهي ته افغانستان جي وڌيڪ آبادي کي ان پروگرام سان پاڪستان جي پاليسي جي باري ۾ معلومات ميسر ايندي. هن چيو ته وزيراعظم عمران خان افغانستان جي نوجانن ۽ صحافين سان ملاقات دوران پاڪستان ۽ افغانستان جي مستقبل جي باري ۾ ڳالهه ڪئي. وفاقي وزير افغان نوجوانن کي مخاطب ٿيندي چيو ته اسلام آباد هڪ خوبصورت شهر آهي، ان جي باري ۾ مختلف سطحن تي غلط فهميون پيدا ڪيون ويون، ان قسم جا دورا اهڙين غلط فهمين کي ختم ڪرڻ ۾ مددگار ثابت ٿيندا. هن چيو ته پاڪستان جي سينئر صحافين جو ڪابل جي دوري جو انتظام ڪري رهيا آهيون، جتي اهو افغان قيادت سان ملاقاتون ڪندان، چوڌري فواد حسين چيو ته اسان جو يقين آهي ته ميڊيا واحد رستو آهي جنهن جي ذريعي اسان پنهنجو موقف عوام تائين پهچائي سگهون ٿا. هن پاڪستان ۽ افغانستان جي نوجوانن کي هڪ پليٽ فارم تي متحد ڪرڻ ۽ پاڪ افغان ميڊيا ڪانڪليو جي انعقاد تي پاڪ افغان يوٿ فورم جي ڪوششن کي ساراهيو ۽ ايونٽ جي ڪامياب انعقاد تي پاڪستان جي سفير ۽ ايڪسٽرنل پبلسٽي ونگ کي مبارڪباد ڏني.
.jpg)
