موجودہ حکومت عوام کوں بلاتعطل بجلی ݙیوݨ کیتے پرعزم اے، بجلی دی پیداوار تے ترسیل دے منصوبیں دی وختی تکمیل توں لوڈ شیڈنگ فری پاکستان اچ مدد ملسی ، وفاقی وزیر توانائی خرم دستگیر خان

لاہور۔9مئی (اے پی پی):وفاقی وزیر توانائی خرم دستگیر خان آکھیے جو موجودہ حکومت عوام کوں بلاتعطل بجلی ݙیوݨ کیتے پرعزم اے، بجلی دی پیداوار تے ترسیل دے منصوبیں دی وختی تکمیل توں لوڈ شیڈنگ فری پاکستان اچ مدد ملسی، اے ڳالھ انہاں واپڈا ہائوس لاہور اچ این ٹی ڈی سی ہیڈکوارٹر دا دورہ کریندے ہوئیں آکھی اے ۔ منیجنگ ڈائریکٹر این ٹی ڈی سی انجینئر منظور احمد این ٹی ڈی سی منصوبیں تے پیشرفت بارے تفصیلی پریزینٹیشن ݙتی جݙاں جو ایڈیشنل سیکرٹری (پاور ڈویژن) مصدق احمد خان طاہرخیلی اتے جوائنٹ سیکرٹری (ٹرانسمیشن) احمد تیمور ناصر وی منصوبیں تے ٻئے اقدامات بارے وفاقی وزیر کوں تفصیلی بریفنگ ݙتی۔ بریفنگ اچ ݙسایا ڳئے جو این ٹی ڈی سی داترسیلی نظام موثر انداز اچ کم کریندے ،2021ءاچ 24,566 میگاواٹ ریکارڈبجلی دی پیداوار دی ترسیل کیتی ڳئی ، ترسیلی نظام دی صلاحیت کوں مزید ودھاوݨ کیتے موجودہ گرڈ سٹیشنز تے ٹرانسفارمرز دےودھارے دے نال نویں گرڈ سٹیشن وی بݨائے ویندے پئن ہݨے ہی این ٹی ڈی سی ٹرانسمیشن لائنز اتے گرڈ سٹیشنز دے 23 منصوبے مکمل کیتن ۔وزیر توانائی (پاور ڈویژن) انجینئر خرم دستگیر خان این ٹی ڈی سی دی طرفوں اہم منصوبیں دی تکمیل تے جاری منصوبیں تے کم دی رفتار دی تعریف کیتی ، انہاں اہداف دے حصول تے ترسیلی نظام دے اثاثیں دی ݙیکھ بھال کوں یقینی بݨاوݨ دی لوڑھ تے زور ݙتا تاں جو تقسیم کار کمپنیاں دے ذریعے صارفین کوں بجلی دی بلاتعطل فراہمی کوں یقینی بݨایا ونڄ سڳے ۔

مضمون کا ماخذ : کینڈی کیش

متعلقہ مضامین