د پاك پوځ وياند مېجر جنرال آصف غفور د نجي ټي وي چېنل حالات حاضره پروګرام كښې خبرې

پنډۍ5 0 ستمبر (اے پی پی) د پاك پوځ وياند مېجر جنرال آصف غفور وئيلي دي په لائن آف كنټرول مو ژور نظر دې۔ كه هند د كومې غلطۍ كولو هڅه كوي نو مونږ بېخي چمتو يؤ۔ هند ته به د فرورۍ 27 مه نېټه ياده وي۔ جنګ څه دي٬ جنګ څنګه كېږي ٬ مونږ ته هر څه معلوم دي۔ موجوده حكومت د هندي وزيراعظم نرېندر مودي په ضد زبردست ګام پورته كړې او نړۍ كښې په سفارتي محاذ ئې هلې ځلې وكړې۔ د مودی دلاسه كشمير يوه نړيواله مسئله جوړه شوه۔ د پاكستان په ډول كوم هېواد ٬ اولس او كوم ځواك نشته۔ مونږ په خپله اداره وياړ لرو۔ پاك پوځ 72 كلونو څخه كشميري اولس سره دې۔ جنګ جاري دې او تر هغه وخت به جاري وي تر كومې چې كشميري اولس ته د خپلواكۍ حق ترلاسه نه شي۔ ده د زيارت په ورځ د نجي ټي وي چېنل حالات حاضره پروګرام كښې خبرې كولې۔ د آئي اېس پي آر ډي جي ووئيل ژوندي قامونه تل خپل شهيدان ياد ساتي۔ زما خواست دې چې ټول قام د شهيدانو محلو او ددوئي كورونو ته لاړ شي۔ دوئي د ترھګرۍ په ضد ځانګړې قربانۍ وركړې دي۔ د ترهګرۍ په ضد جنګ كښې 81 زره څخه زياتو كسانو ځانونو قربان كړي۔ ده وئيل له بده مرغه پخوا نړۍ د كشمير مسئلې ته هېڅ پام نه دې كړې ولې په اولني ځل لندن ، برسلز، امریکا، بنګله دېش، ترکی، سری لنکا او د انډيا په شمول نورو هېوادونو كښې اولس د كشميري اولس په حق كښې بشپړه احتجاج وكړو۔ د يوې پوښتنې په ځواب كښې ده ووئيل په لائن آف كنټرول په يو بل د ډزو لړۍ روانه ده۔ په اېل او سي به د هندي جارحيت سم ځواب وركولې شي۔ د يوې پوښتنې په ځواب كښې ده ووئيل د 6 ستمبر په لړ كښې دستوره جي كيو اېچ كښې كېږي۔ دستوره به 8 نيمې بجې كېږي۔ په مركزي دستوره كښې په شهيدانو شارټ فلم جوړ كړې شوې دې۔ اولس دې دستوره ضرور وګوري۔ د شهيدانو په اړه د يوې پوښتنې په ځواب كښې ده ووئيل وزیراعظم عمران خان هم د شهيدانو كورنيو خيال ساتلو په لړ كښې د پاك پوځ ستائنه كړې ده۔ ده ووئيل د پنجاب پوهنتون وائس چانسلر لخوا د شهيدانو كورنيو ته وېړيا زده كړې وركول يو ښه ګام دې

مضمون کا ماخذ : دیگر کلیدی الفاظ

متعلقہ مضامین