د عاشور ورځ 10م محرم الحرام په اسلامي تاريخ كښې يو ځانګړې حيثيت لري۔ د اولس مشر ډاكټر عارف علوي د عاشور ورځې په موقع خاص پېغام

اسلام آباد 10ستمبر (اے پي پي) اولس مشر ډاكټر عارف علوي وئيلي دي چې د عاشور ورځ 10م محرم الحرام په اسلامي تاريخ كښې يو ځانګړې حيثيت لري۔ د عاشور ورځې 10 محرم الحرام 1441 هجري په موقع په خپل خاص پېغام كښې اولس مشر ووئيل چې د رسول ﴿ص﴾ نواسي امام عالي مقام حضرت امام حسېن ﴿رض﴾ خپل اهل بيت او ملګرو سره په مېدان كربلا كښې د عاشور په ورځ شهادت ترلاسه كوول سره په تاريخ اسلام كښې دې ورځ تر قيامت نه هېرېدونكې جوړه كړې۔ ده ووئيل چې دا عظيمه قرباني هر كال مسلمانانو ته د دې خبرې ياد وركوي چې بايد د فسق و فجور د طاقتونو مقابلې لپاره د ځان د قربانې وركولو نه هم ډډه ونه كړې شي۔ اولس مشر ووئيل چې د امام حسېن ﴿رض﴾ شهادت په حقيقت كښې د انسانيت فتح او د اسلامي اصولو سربلندي ده٬ دا د هم دې قربانې ثمر دے چې زمونږ په تاريخ كښې داسې ځان قربانوونكي پېدا شوي كومو چې تل د حق او انصاف ملګرتيا كړې۔ اولس مشر ډاكټر عارف علوي ووئيل چې راځئ چې په نننۍ ورځ لوظ وكړو چې مونږ ب ه د اسوه حسېن﴿رض﴾ په رڼا كښې هر هغه كار كوو كوم چې اعلائے كلمته الله٬ د حق ودې٬ د اسلامي رواياتو پاسدارې او د هېواد پرمختګ او خوشحالې لپارهه ګټور وي او د ترهګرې٬ انتهاخوښې او د عدم برداشت مخ نيوي لپاره به د كوم هم قدم پورته كولو نه ډډه نه كوو۔ اولس مشر د خپل پېغام په آخر كښې دعا وكړه چې الله تبارك و تعالٰي دې پاكستان ته امن٬ پرمختګ او خوشحالي نصيب كړي او د عاشور ورځې اصل پېغام كوم چې د قربانې په بنياد دے٬ زمونږ په ژوند كښې شامل كړي۔ الله تعالٰي دې زمونږ د ټولو حامي و ناصر شي۔

مضمون کا ماخذ : لاٹری کی پیشن گوئی

متعلقہ مضامین