پاک چین اقتصادی راہداری اتے توانائی دے منصوبیاں دی تکمیل نال کاروبار دیاں نویاں راہواں کھلسن، صدرمملکت ممنون حسین

اسلام آباد ۔ 10 مارچ (اے پی پی) صدرمملکت ممنون حسین آکھے جو پاک چین اقتصادی راہداری اتے توانائی دے منصوبیاں دی تکمیل نال کاروبار دیاں نویاں راہواں کُھلسن اتے روز گار دے موقعے ملسن ۔ حکومت سرمایہ کاری دے فروغ اتے سازگار کاروباری ماحول ڈیونڑ کیتے سارے وسائل استعمال اچ گھن آندی پئی ہے ۔ صدر مملکت اے گالھ جمعے کوں ایوان صدر اچ حاجی محمد افضل دی قیادت اچ سرحد چیمبر آف کامرس اینڈ انڈسٹری دے وفد نال ملاقات اچ الیندے ہوئیں آکھیاں ۔ ملاقات اچ وزارت تجارت اتے فیڈرل بورڈ آف ریونیو دے حکام وی شریک ہن ۔ صدر مملکت آکھے جو ملک صحیح پاسے اگوں ودھدا پئے اتے درست اقتصادی پالیسیاں پاروں عالمی مالیاتی اداریاں پاکستان کوں معاشی طور تے ترقی کریندا ہویا ملک قرارڈے ڈتے ۔ صدر مملکت آکھیا جو کاروباری طبقے دے مسلیاں دے حل کیتے حکومت بھر پور اقدامات کریندی پئی ہے ۔ وزارت تجارت کاورباری تسلسل دے ضمن اچ ترائے سالہ سٹرٹیجک ٹریڈ پالیسی فریم ورک دا اعلان کیتے جیندے نال کاروبار اچ ودھارا تھیسی ۔ انہاں آکھیا جو ایں پالیسی دے تحت نویں پلانٹ اتے مشینری دی درآمدات اتے انہاں کوں خیبر پختوانخواہ ، فاٹا اتے گلگت بلتستا ن سمیت بئے پسماندہ علاقیاں اچ لاونڑ اُتے 50 فیصد تئیں مدد کیتی ویسی ۔ صدر مملکت آکھے جو ٹریڈ ڈویلپمنٹ اتھارٹی پاکستان برآمدات اچ ودھارے کیتے نمائشاں دا اہتمام کر یندی پئی ہے اتے تجارتی وفود دے دور ے وی کرویندی پئی ہے جیندے نال سرمایہ کاری کیتے نویں ملکاں نال نال رابطے اتے برآمدات اچ ودھارا تھیسی ۔ صدر مملکت آکھے جو کاروباری اتے تاجر برادری کوںآپنڑیں مجوزہ ٹیکس ڈیونڑیں چاہیدے ہن تانجو ایندے توں ملنڑ آلی آمدنی توں عام لوکیں کوں ودھ توں ودھ سہولتاں ڈتیاں ونج سگن۔ سرحد چیمبر آف کامرس اینڈ انڈسٹری دے صدر نے صدر مملکت ممنون حسین کو ں درپیش مسلیاں بارے ڈسایا۔ انہاں حکومتی اقتصادی پالیساں دی تعریف کریندے ہوئیں آکھیا جو او ملک اچ اقتصادی حالت کوں چنگا بنڑاونڑ کیتے حکومت نال رابطے اچ ہن ۔ ایں موقعے تے سرحد چیمبر آف کامرس اینڈ انڈسٹری دے صدر نے صدر مملکت ممنون حسین کوں خیبر پختونخوا دی روایتی پگڑی وی پوائی ۔

مضمون کا ماخذ : سانتا کی جنگلی سواری۔

متعلقہ مضامین