طبي تعليم کي موجوده گهرجن سان هم آهنگ ڪيو وڃي: نگران وزيراعظم انوارالحق ڪاڪڙ

اسلام آباد – 05 – ڊسمبر (اي پي پي) نگران وزيراعظم انوارالحق ڪاڪڙ هدايت ڪئي آهي ته طبي تعليم کي موجوده گهرجن سان هم آهنگ ڪيو وڃي، افرادي قوت عالمي مارڪيٽ ۾ صحت جي شعبي جي ماهرن جي گهرج پوري ڪرڻ جي لاءِ صحت جي شعبي ۾ سڌارا آندا وڃن. وزيراعظم آفيس جي ميڊيا ونگ پاران جاري بيان موجب اهڙن خيالن جو اظهار هن ملڪ ۾ طبي تعليم ۽ مريضن جي سارسنڀال ۾ سڌارن جي لاءِ جوڙيل ٽاسڪ فورس جي اجلاس جي صدارت ڪندي ڪيو. اجلاس ۾ نگران وزيراعظم کي ملڪ ۾ صحت جي شعبي کي عالمي معيار تي آڻڻ جي لاءِ ٺاهيل حڪمت عملي تي بريفنگ ڏني وئي. نگران وزيراعظم اجلاس ۾ صحت جي شعبي جي موجوده صورتحال ۽ ان ۾ سڌارن جي ضرورت تي زور ڏنو. نگران وزيراعظم هدايت ڪئي ته افرادي قوت جي عالمي مارڪيٽ ۾ صحت جي شعبي جي ماهرن جي گهرج پوري ڪرڻ جي لاءِ ملڪ ۾ صحت جي شعبي ۾ سڌارا آندا وڃن. هن چيو ته نرسنگ هڪ انتهائي اهم شعبو آهي ۽ ان جي ترقي جي لاءِ وڌيڪ ڌيان جي ضرورت آهي. اجلاس ۾ صحت واري وزارت، ڪاليج آف فزيشنز اينڊ سرجنز آف پاڪستان، پاڪستان ميڊيڪل اينڊ ڊينٽل ڪائونسل، هايئر ايجوڪيشن ڪميشن ۽ ملڪ جي ميڊيڪل يونيورسٽيز جي حصيداري سان صحت جي شعبي ۾ کنيل قدمن تي بريفنگ ڏني وئي. اجلاس ۾ ٻڌايو ويو ته صحت جي شعبي ۾ سڌارن جي لاءِ ٽن مرحلن تي ٻڌل حڪمت عملي ٺاهي وئي آهي جنهن جو مقصد پاڪستاني صحت جي شعبي ۾ عالمي معيار موجب قاعدا ۽ ضابطا لاڳو ڪرڻ کي يقيني بڻائڻ آهي. اجلاس ۾ صحت جي شعبي ۾ گريجوئيٽ ۽ پوسٽ گريجوئيٽ سطحن تي سڌاراجاتي حڪمت عملي تي پڻ بريفنگ ڏني وئي. نگران وزيراعظم خاص معاون ڊاڪٽر عامر بلال جي قيادت ۾ صحت جي شعبي ۾ سڌارن جي لاءِ ٽاسڪ فورس جي قدمن کي ساراهيو.

مضمون کا ماخذ : لاٹری کے نتائج

متعلقہ مضامین