د وزيراعظم عمران خان په غلام اسحاق خان انسټي ټيوټ ټوپۍ كښې د نوي اكېډمك بلاك پرانستې دستورې ته وېنا

صوابي 26 اګست (اے پي پي) وزيراعظم عمران خان وئيلي دي قام او کشميريانو سره لوظ كوم ٬ تر څو چې كشمير آزاد شوې نه وي د نړۍ په هر فورم به د دوي كېس وړاندې كوم ٬ مخالفين وائي چې عمران خان زيات يوټرن اخلي٬ مخالفينو ته دې معلومه وي چې په يوټرن اخستو زه وزيراعظم جوړ شوې شوم او ھغوي نو په زندان كښې پراته دي٬ مقصد لپاره سمجهوته كوم په مقصد نه كوم٬ مخالفينو ته به كله هم اېن او آر نه وركړې كېږي٬ هېواد لږ سخت وخت سره مخ دے دې نه په وتلو كښې به بريالي كېږو٬ زمونږ رول ماډل حضور اکرمۖ دے، څوك چې ثاني نه لري٬ تعليم ته اوسنې حكومت پاملرنه كوي٬ بايد د تعليم په معيار سودا اونه كړې شي٬ ښې تعليمي ادارې كله هم تعليمي معيار لاندې غورځېدو له نه وركوي٬ ټولنه كښې به د استاذانو او سكالرانو احترام بحالوٶ۔ وزيراعظم عمران خان دا خبرې په غلام اسحاق خان انسټي ټيوټ ټوپۍ كښې د نوي اكېډمك بلاك پرانستې دستورې ته خپلې وېنا كښې وكړې۔ ده ووئيل قائد اعظم محمد علي جناح د هندوانو د آر اېس اېس په آئيډيالوجي پوهه شوې ٶ ځكه چې ھغه ته معلومه وه چې هندوان مسلمانان د دوېمې درجې وګړي ګڼي۔ ده ووئيل آرام خوښي كله هم عظيم خلق نه جوړېږي٬ د ژوند اصل مقصد د انسانيت خدمت دے٬ د نړۍ عظيمو شخصياتو سخت ژوند تېر كړې٬ خو په ژوند كښې ئې سكون ٶ٬ هر انسان له لوي څښتن زيات صلاحيتونه وركړې ٬ خو ھغه په ھغې نه پوهېږي٬ په لوي سوچ انسان عظيم جوړېږي٬ تاريخ ھغه خلق ياد ساتي څوك چې د انسانيت خدمت كوي ۔ ده ووئېل بابا فريد داتا ګنج بخش، نظام الدين اولياء او د معين الدين چشتي د مزارانو د لكهونو په شمېر خلق زيارت كوي ځكه چې ھغوي د اسلام خپرولو وظيفه ترسره كړې۔ وزيراعظم ووئيل بايد د تعليم په معيار سودا اونه كړې شي٬ د كومې ادارې معيار چې لوړ وي ھغوي له به زيات فنډز وركړې كېږي او هلته نه به هوښيار زده كوٶنكي پېدا كېږي۔ ده ووئيل تعليم ته مونږ پاملرنه كوٶ٬ هېواد باندې لږ سخت دے خو مونږ د دې څخه په وتلو كښې بريالي شوو۔ ده ووئيل كله چې مونږ شوکت خانم روغتون جوړوٶ نو ھغه وخت هم مونږ دا عزم كړې ٶ چې د دې معيار به غورځېدو له نه وركوٶ او د دې په سوب شوكت خانم روغتون ته زيات فنډز وركړې كېدو ۔ ده ووئيل د ادارې په اعليٰ تعليمي معيار انتظاميه ته مباركي وركوم٬ بايد د تعليم په معيار سودا اونه كړې شي٬ ښې تعليمي ادارې كله هم تعليمي معيار لاندې غورځېدو له نه وركوي٬ د شوکت خانم په پېل معيار په هر صورت په ځائ د ساتلو عزم شوې ٶ۔ ده ووئيل د هر كامياب انسان رول ماډل وي٬ زمونږ رول ماډل حضور اکرمۖ دے، څوك چې ثاني نه لري٬ بايد غلام اسحاق خان انسټي ټيوټ د حضور اکرمۖ په ژوند او د مدينې په رياست تحقيق كولو لپاره چيئر جوړ كړي دغسې چې دا معلومه كړې شې چې د دې رياست كومې خوبۍ وي چې ھغوي يو عظيم تهذيب جوړ كړې او لويو لويو طاقتورو قامونو ته ئې ماتې وركړې۔ ده ووئېل د قرآن پاك چې څومره مطالعه وكړې شي دومره شعور بېدارېږي۔ ده ووئيل تاريخ زيات دولت جمع كوٶنكي نه يادوي٬ تاريخ ھغه خلق يادوي څوك چې د انسانيت خدمت كوي٬ كامياب انسان كله هم په يره پرېكړه نه كوي۔ وزيراعظم ووئيل كله چې زه په وړومبې ځل ټېسټ كښې ولوبېدم نو زه د ډلې نه بهر كړې شوم خو ما همت اونه بائيلو او درې كاله پس بيا په لوبډله كښې شامل كړې شوم۔ ده ووئيل په هر كس ازمائش راځي خو همت بائيلل پكار نه دي٬ لوي څښتن پاكستان له هر ډول نعمت وركړې٬ د تېرو واكمنو ماشومان هم بهر هېواد كښې مېشته د۔ ٬ ده ووئېل مخالفين وائي چې عمران خان زيات يوټرن اخلي٬ مخالفين دې وګوري په يوټرن اخستو زه وزيراعظم جوړ شوم او ھغوي په زندان كښې پراته دي٬ مقصد لپاره سمجهوته كوم په مقصد نه كوم۔ ده ووئېل مخالفينو ته به كله هم اېن ار او ورنه كړې شي۔ وزيراعظم عمران خان ووئېل په پاکستان كښې د وسائلو، افرادي قوت او صلاحيت هېڅ كمې نشته٬ څنګه څنګه چې نظام سمېږي ٬ ادارې به مضبوطېږي او صورتحال به ښه كېږي ۔ ده ووئېل ادارې ختمول آسان او جوړول ګران كار دے٬ پاكستان كښې د سېلګرۍ په څانګه كښې ډېر ګنجائش موجود دے٬ د كرنټ اكاٶنټ زيان او برآمدات او درآمدات كښې فرق مونږ د سېلګرۍ ودې سره پورا كولې شو۔ ده ووئيل د شېل ګاز او د سكرو درنګونه لرو٬ ژوند كښې كمې زياتې راځي٬ د ستونزو نه يره نه ده پكار

مضمون کا ماخذ : سائٹس de loteria confiáveis

متعلقہ مضامین